مسلم لـ نقابة الموسيقيين: "اللي معاه سلطة بيدوس على أي حد"

في أحدث تصريحاته المثيرة للجدل، شن الفنان مسلم هجومًا لاذعًا على نقابة المهن الموسيقية، معبرًا عن غضبه عبر خاصية القصص القصيرة على حسابه الرسمي بـ"إنستجرام".

وقال مسلم: "هما عادي ممكن يسيبوا حد يبوس واحدة على المسرح وبعد كده يفرشوله الأرض ورد ويستقبلوه أحلى استقبال، وعادي يسيبوا حد يقول إيحاءات في الأغاني، ويخلوا العيال الصغيرة تتأثر، وكل ده ما يتحسبش، وأنا اللي أفضل قاعد سنة بدون شغل عادي جدًا".

وأضاف بحدة: "بس أقولك إيه، الواحد لما يكون معاه سلطة بيدوس على أي حد، ويطلع يتكلم باسم الفضيلة وإنه راجل عادل وعمره ما ظلم حد.. حسبي الله ونعم الوكيل، نقابة مش عادلة".

ويأتي هذا التصريح بعد أن قررت نقابة المهن الموسيقية في مارس الماضي إيقاف مسلم عن الغناء بسبب شكاوى متكررة من متعهدي الحفلات حول عدم التزامه بالمواعيد والتعاقدات، وألغت النقابة تصريحه السنوي ومنعته من مزاولة المهنة.